Velkomin á heimasíðu Félagsmiðstöðar Ísafjarðar

Jæja.. Margt hefur á daga okkar drifið síðan síðasta frétt var skrifuð.

Hljómsveitar- og sundlaugarpartykvöldið fór fram úr öllum vonum. Brjálæðislega vel mætt og allir höguðu sér vel. Fyrir utan nokkur frávik (Hóst. Rjómastríð í eldhúsinu. Hóst). Allar hljómsveitirnar voru æðislegar, þótt Mr. Sunny Paul hafi slegið algjörlega í gegn með Dominos stefinu. Mátti sjá nokkur stjörf andlit í salnum. Ég tók engar myndir því miður.  En það var stelpa í 8.bekk sem var með myndavél. Því miður man ég ekki hvað hún heitir. Hún ætlaði að koma með myndirnar til mín á mánudeginum eftir. Sá mánudagur hefur greinilega aldrei komið því aldrei fekk ég myndirnar. Hér með auglýsi ég eftir þessari stelpu. Og öllum sem eiga myndir frá kvöldinu í rauninni.

Á síðasta föstudag hélt ég síðan í svaðilför með 5 fræknum. María Rebekka, Björk, Þorgeir, Hermann Siegle og Páll Sólmundur fóru með mér á Landsmót Samfés, sem var haldið í Garði. Nokkrar myndir frá þeirri helgi gætu hinsvegar skriðið inn á næstu dögum. María Rebekka og Björk? Viljið þið koma til mín með myndirnar ykkar. Það eina sem er á minni myndavél eru sjálfsmyndir af Þorgeiri. Aha.

Borðtennismót Djúpsins var síðan í gær. 16 keppendur skráðu sig til leiks. Til mikils var að vinna því sigurvegarinn og sá sem var í 2.sæti keppir fyrir hönd Ísafjarðar á Íþróttahátíðinni á næsta föstudag. Eftir spennandi keppni og blóð, svita og tár, Stóð Emil Pálsson uppi sem sigurvegari og Rúnar Pierre vermdi annað sætið. Eins gott að þeir vinni á föstudaginn. Right?

Jæja. Þetta er orðið of langt.

Poooolmót í næstu viku?